Click Clack полиците се дрвени рачно изработени скулптурални полици каде што можете да ја поставите вашата колекција на омилени книги, спомени, плочи и друго. Овие полици се карактеризираат со два елементи: еден елемент е цик цак континуираната линија од дрво која што е главна и носечка, другиот елемент се полиците кои што се поставени попречно и се закосени од едниот кон другиот правец. Цик цак линијата е доминантна за изгледот на полицата, додека пак искривените полици се секундарни и му даваат посебен шмек на дизајнот. Овие скулптурални полици можат да бидат репрезентативен елемент во вашиот дом, канцеларија или ресторан. Постојат во три различни типови со две висини и ширини и три висини и три ширини.
- Материјалите се од Скопје.
- Рачната изработка е во Скопје.
Сара Симоска е архитект и дизајнер од Скопје. Своите магистарски студии ги има завршено на универзитетот Политекнико ди Милано. Сара има освоено бројни интернационални награди за архитектура и дизајн во Италија, Русија, Србија, Словенија и Шпанија. Првата дизајн колекција мебел Movable ја објавува во 2020та година, за време на Ковид пандемијата. Во 2021 година, на оваа колекција и се придружија уште 4 други колекции: Mother, Circle, Improv и Click Clack. Сите дизајни на Сара Симоска се изработени од природен материјал дрво, сите се рачна изработка, со големо внимание на деталите.
