Improv подвижните врати и паравани се креативни прегради кои што можат да го поделат вашиот домашен или работен простор со цел да создадат приватност, но и чувство на заедништво истовремено. Ваквите паравани се перфорирани со креативна шара која што дава ритам на материјалот и просторот. Овие паравани доаѓаат во две бои натур и црна. Просторот добива подвижна рељефна скулптура во простор која дефинитивно предизвикува внимание и го издвојува просторот од секој друг.
- Материјалите се од Скопје.
- Рачната изработка е во Скопје.
Сара Симоска е архитект и дизајнер од Скопје. Своите магистарски студии ги има завршено на универзитетот Политекнико ди Милано. Сара има освоено бројни интернационални награди за архитектура и дизајн во Италија, Русија, Србија, Словенија и Шпанија. Првата дизајн колекција мебел Movable ја објавува во 2020та година, за време на Ковид пандемијата. Во 2021 година, на оваа колекција и се придружија уште 4 други колекции: Mother, Circle, Improv и Click Clack. Сите дизајни на Сара Симоска се изработени од природен материјал дрво, сите се рачна изработка, со големо внимание на деталите.
