Иако недоволно употребувани во уредувањето, помошните столчиња може да бидат многу практичен и мултифункционален дел од вашиот дом. Токму такво е и Circle Dot столчето, кое покрај со многуте намени, плени и со топлиот изглед на полно дрво. Може да го користите буквално во секоја соба, не зафаќа многу место, а истовремено ќе го освежи вашиот простор со скулптуралниот изглед.
Наместо помошна масичка
Иако основната намена е да се користи како помошно столче, Circle Dot може да ви послужи и како дополнителна масичка во дневната соба. Ова е особено практично кога имате гости и ви е потребна поголема површина за оставање чаши или чинии.
Ноќна масичка во спалната
Столчето Circle Dot функционира супер и како ноќна масичка до креветот на која ќе може да си ја чувате омилената книга или часовник со аларм. Ова е многу практично решение ако имате мала спална соба и немате многу место за класична ноќна масичка.
Како дополнително место за складирање или седење
Живеењето во помал стан значи и помалку простор за кабасти троседи или двоседи, па неколку Circle Dot столчиња се супер решение за сите прилики во кои ви е потребно да сместите повеќе гости во вапиот дом, особено затоа што не зафаќаат многу место и нема визуелно да го загушат просторот. Circle Dot може да функционира и како помошно столче за вашата библиотека, но и на терасата во лето.
Како сталажа за растенија и декоративни предмети
Столчето Circle Dot не зафаќа многу простор, па така може да го поставите во некое ќоше низ вашиот дом и на него да си чувате растенија што благодарение
на висината ќе добијат повеќе светлина, или, пак, други декоративни предмети. На столчето може да ставите и мала столна лампа со која ќе осветлите некое потемно ќоше.
