Внесете шаренило во вашиот дом

Боите и нивното присуство во домот се дискусија постара од јајцето и кокошката. Многу често минималистите тежнеат кон посмирени тонови, или монохроматски нијанси. Исто времено постојат луѓе кои што имаат потреба од шаренило во својот живот, па така и во својот дом. Многу е важно што од ова шаренило доминира во вашиот дом, некои се одлучуваат за потрајни промени како боење на некој ѕид или избор на мебел во некоја боја.

Други пак решаваат да вметнат шарени и динамични парчиња кои што ќе си ја завршат потребата за боја.
Овие вторите се одлучуваат ѕидовите да ги остават во бели, сиви или понекогаш црни тонови а акцентот го ставаат на деталите, аксесоарите и мебелот.

Ние сме воодушевени од уникатните ѕидни скулптури дизајнирани и изработени од младата архитектка Ангела Стефановска и сметаме дека би ги вметнувале во секој нареден проект за ентериер.Овие скулптури можат да им помогнат на овие вторите. Оние кои што сепак ќе одлучат да ги остават ѕидните површини во урамнотежени бои, но ќе бидат храбри да експериментираат со деталите.

Овие геометриски фигури можат многу интересно да се комбинираат со современ мебел, но и исто така и со некоја по винтиџ варијанта.

Изборот е ваш!

Погледнете ги овие извонредни ѕидни рељефни скулптури кои се рачно изработени и дизајнирани од anngo.